Մարմնական վնասվածքների ոլորտի փաստաբաններ

Միացյալ Նահանգներում ամեն տարի հարյուր հազարավոր մարդիկ ենթարկվում են կատաստրոֆիկ վնասվածքների: Տուժածները կարող են ունենալ երկարաժամկետ առողջական հետևանքներ, այդ թվում՝ ժամանակավոր կամ մշտական հաշմանդամություն, սպիացում կամ ձևախեղումներ (այլանդակումներ), ցավ ու տառապանք և այլն:

Կատաստրոֆիկ վնասվածքի հետևանքները կարող են կործանարար լինել ինչպես տուժած անձանց, այնպես էլ նրանց ընտանիքի համար՝ հաճախ հանգեցնելով աշխատելու և անկախ ապրելու ունակության կորստի և կյանքի որակի նվազեցման: Առողջացմանն ուղղված բժշկական ծախսերը կարող են զգալի չափ կազմել, իսկ հոսպիտալացումները, վիրահատությունները, թերապիան և վերականգնումը, ինչպես նաև երկարաժամկետ խնամքը կարող են արժենալ հարյուր հազարավոր դոլարներ: Երբ կատաստրոֆիկ վնասվածքի գործը կապված է անփութության հետ, փորձառու և կայացած փաստաբանը կարող է օգնել ձեզ հասնելու արդարադատության և ստանալու առավելագույն ֆինանսական փոխհատուցում, որի կարիքն ունեք և կարող եք ստանալ որպես կրած վնասի հատուցում: Թեև կատաստրոֆիկ վնասվածքները կարող են հանգեցնել ողջ կյանքի ընթացքում շարունակվող հետևանքների, McKenzie Scott-ի բարձրակարգ փաստաբանները ձգտում են օգնել տուժածներին բուժման, խնամքի և աջակցության հարցերում, որոնք անհրաժեշտ է նրանց կյանքն արժանապատիվ շարունակելու համար:

Ինչո՞ւ ընտրել McKenzie Scott-ի կատաստրոֆիկ վնասվածքների ոլորտի փաստաբաններին

McKenzie Scott PC-ն կատաստրոֆիկ վնասվածքների ոլորտում լիարժեք ծառայություններ առաջարկող իրավաբանական ընկերություն է, որի փորձառու դատական փաստաբանները վնասվածք ստացած տուժողների անունից հաջողությամբ վարել են տարատեսակ գործեր: Անկախ կատաստրոֆիկ վնասվածքի պատճառից՝ կառավարական կամ կորպորատիվ անարդարություններ, անորակ (խոտանված) սպառողական արտադրանք, ոչ անվտանգ դեղամիջոցներ կամ ծանր պատահարներ (ավտոմեքենա, գնացք, ուղղաթիռ և այլն), մեր փաստաբանական թիմը կարող է ձեր անունից ագրեսիվ կերպով պայքարել արդարության վերականգնման համար:

Մենք պատասխանատվության ենք ենթարկում անփութություն դրսևորած կողմերին՝ անկախ նրանից, թե որքան հզոր կարող են նրանք թվալ:

Երբ հասարակ մարդիկ անարդարության հետևանքով ստացել են կատաստրոֆիկ վնասվածքներ, մենք չենք նահանջում և պայքարում են արդարության վերականգնման համար՝ նույնիսկ անփութություն դրսևորած կառավարական կամ կորպորատիվ կառույցների դեմ:

Ի՞նչն է դասակարգվում որպես կատաստրոֆիկ վնասվածք

Ի տարբերություն սովորական մարմնական վնասվածքի, կատաստրոֆիկ վնասվածքն իրավական իմաստով սահմանվում է որպես վնասվածք կամ տրավմա, որը բավականաչափ ծանր է տուժողին անդառնալի վնաս պատճառելու համար: Կատաստրոֆիկ վնասվածքները հաճախ հանգեցնում են ցմահ հաշմանդամության, ինչը թույլ չի տալիս, որ տուժողը կարողանա շարունակել իր աշխատանքը: Կատաստրոֆիկ վնասվածների հաճախ հանդիպող հետևանքներից են նաև մշտական սպիերը կամ այլանդակումը, ինչպես նաև տևական ցավն ու տառապանքը: Հետևանքները կարող են բավական տրավմատիկ լինել՝ հաճախ բացասաբար ազդելով տուժածի կյանքի որակի և կյանքից հաճույք ստանալու վրա: Բացի այդ, կատաստրոֆիկ վնասվածքը կարող է թողնել հուզական և հոգեբանական խոր հետևանքներ: Դեպրեսիան, անհանգստությունը, հոգեկան տառապանքը և հետտրավմատիկ սթրեսային խանգարումը (ՀՏՍԽ, PTSD) էմոցիոնալ խնդիրների ընդամենը մի քանի օրինակներ են, որոնք կարող են զարգանալ կատաստրոֆիկ վնասվածքից հետո: Ընդ որում, հետևանքները կարող են բացասաբար անդրադառնալ նաև տուժած անձի ընտանիքի և ընկերների վրա: Ընտանիքները գուցե ստիպված լինեն փոխել իրենց առօրյա ռեժիմը՝ ներառելով կատաստրոֆիկ վնասվածքից տուժած հարազատի կանոնավոր խնամքը: Ոչ իրավաչափ մահվան դեպքը կարող է հանգեցնել մի ցավալի վիճակի, երբ ընտանիքն անդառնալիորեն կորցրել է իր արյունակից հարազատին, ընտանեկան հոգսերն իր վրա վերցրած անդամին կամ խարխլվել է ընտանեկան միասնությունը: Այս տեսակի վնասվածքների հետևանքները կարող են դառնալ զգալի, և նման իրավաճակներում քաղաքացիական հայցերը կարող են օգնել տուժած անձանց վերականգնել արդարությունը վնասի փոխհատուցման տեսքով, ինչը մեղավոր կողմին կամ կողմերին պատասխանատվության ենթարկելու միջոց է:

Կատաստրոֆիկ վնասվածքների տեսակները

Կատաստրոֆիկ վնասվածքները պատճառում են ծանր վնասներ: Երբ վնասվածքը հանգեցնում է լիարժեք վերականգնման անհնարինության (օրինակ՝ պարալիզ կամ մշտական ձևախեղումներ կամ այլանդակումներ), այն կարող է դասակարգվել որպես կատաստրոֆիկ: Կատաստրոֆիկ վնասվածքների որոշ տարածված տեսակներից են՝

• ողնուղեղային վնասվածքներ
• գլխուղեղային տրավմատիկ վնասվածքներ
• պարալիզներ, կվադրիպլեգիա կամ պարապլեգիա
• գլխի կամ գանգի վնասվածքներ
• երրորդ աստիճանի այրվածքներ
• սպիացում կամ ձևախեղում (այլանդակում)
• ժամանակավոր հաշմանդամություն
• մշտական հաշմանդամություն
• տեսողության կամ լսողության երկարաժամկետ վնասում
• օրգանային վնասում
• ծննդաբերական վնասվածներ
• վերջույթի կորուստ կամ անդամահատում (ամպուտացիա)
• կոտրված ոսկորներ: